Pwy yw'r 100 Arwr?
Mae'r 100 o Arwyr Cymru a bortreadir ar y safle hwn yn ymddangos o ganlyniad i bôl piniwn ar-lein mwyaf erioed yng Nghymru. Rhwng 8 Medi 2003 a 23 Chwefror 2004, derbyniodd Culturenet Cymru dros 80,000 o enwebiadau a phleidleisiau yn eu hymdrech i ddod o hyd i'r Cymry gorau erioed.
Mae'r arwyr a bortreadir ar y safle hwn yn arddangos talentau hynod y Cymry drwy'r oesau, ymron ym mhob agwedd ar fywyd. Wrth ddefnyddio'r safle hwn gallwch astudio llwyddiannau'r 100 arwr, gallwch hefyd ddysgu mwy ynglŷn â'r prosiect unigryw hwn drwy ymweld â'r dudalen erthyglau.
Arwr y Dydd
47 - Dewi Sant (158 o bleidleisiau)
Nawddsant Cymru, dywedir mai ef fabwysiadodd y genhinen fel y symbol cenedlaethol.
Yn ôl y chwedl, roedd Dewi Sant yn nai i Frenin Arthur, cyflawnodd nifer o wyrthiau a bu fyw 147 o flynyddoedd! Er bod y ffeithiau amdano wedi cael eu gorliwio gan haneswyr diweddarach, mae"n ffaith ddilys mai Dewi yw"r unig Gymro i gael ei gydnabod yn Sant gan yr Eglwys Gristnogol. Mae Mawrth y 1af - dyddiad ei eni neu ei farw yn ôl pa ffynhonnell bynnag y mae rhywun yn dewis - yn parhau yn Ddydd Gŵyl Cenedlaethol.
